Serbske młodźinske towarstwo PAWK z.t.
Korjeńje a załoženje towarstwa
Přez mnohe lĕta hižo zarjaduje młodźinska organizacija MENS - młodźina europskich narodnych skupin seminary, zo by so mjezynarodna wumĕna spĕchowała. Spočatk 90-tych lĕt wobdźĕlichu so na tym tež młodźi Serbja. Z nazhonjenjow, kotrež móžachu młodostni na tutych wumĕnach hromadźić, wurosće 1993/94 dopóznaće, zo móhło jedne towarstwo serbskeje młodźiny wo wjele wjace wuskutkować, hač jednotliwcy.W hodowniku 1994 bu Serbske młodźinske towarstwo Pawk z.t załožene a bu prĕnje młodźinske towarstwo Domowiny.
Kóždy, kotryž je 16. žiwjenske lĕto docpĕł, móže towarstwu přistupić. Z tym su čłonojo mjez 16 a 30 lĕt stari. Ći starši stanu so po času zwjetša ze spĕchowanskim čłonom.
Naše zamĕry
- wuměna mjez młodostnymi
- dźěło na młodźinskim polu
- sposrĕdkowanje wĕdy na polu projektoweje organizacije
- dźĕło na europskej runinje
- kubłanje na polu medijow, politiki a wuměłstwa
- poradźowanje młodostnych
- kontaktowe towarstwo za cyłu serbsku młodźinu
Zarjadowanja we Łužicy
- Powerserb
- Nócny wolejbulowy turněr
- dalekubłanja na socialnym polu
- Halowa kopańca
- zhromadne projekty z młodźinskimi klubami
- ...
Aktiwity zwonka Łužicy
Mjezynarodne wuměny, na přikład jutrowny a nazymski seminar MENS (Młodźina europskich narodnych skupinow), pohnuja młodostnych, so z druhimi mjeńšinami zetkać a zhromadnje něšto na nohi stajić. MENS je organizacija, kotraž wobsteji z 39 sobustawskich towarstwow. Wona zasadźuje so za zdźerženje a wuwiće mjeńšinowych prawow, kaž tež rěčnu a kulturelnu mnohostronskosć w Europje.Nazymski seminar 2011 wotměje so we Łužicy. Jeli maš lóšt so wobdźělić, sy hižo dźensa wutrobnje přeprošeny!
Tež, ...
hdyž steja při zarjadowanjach wjeselo, kreatiwita a towaršliwosć na prěnim městnje, maja woni chutny pozadk.Prawidłowne towarstwowe dźěło njeda so stajnje tak lochko zwoprawdźić. Tohodla je kóždy, kotryž so z nami do dźěła da, wutrobnje witany! Tuž přizjew so tola pola nas, jeli chceš sobu dźěłać abo jeli maš dalše prašenja!